کنٹرول لائن پربھارتی فوج کی پھر بلا اشتعال فائرنگ اور گولہ بار ی

سیری(آن لائن) کھوئی رٹہ سیکٹر لائن آف کنٹرول پر بھارتی فوج کی بلا اشتعال فائرنگ اور گولہ بار ی، گھروں کی کھڑکیاں دروازے لرز اٹھے بھارتی فوج نے سول آبادی کو نشانہ بنایا۔ 60 سالہ خاتون زخمی پاک فوج کی موثر جوابی کاروائی دشمن کی گنوں نے خاموشی اختیار کر لی۔ تفصیلات کے مطابق کھوئی رٹہ کے سرحدی گائوں ٹائیں ، کینٹھی ، جگالپال ، ججوٹ بہادر ، کٹہڑہ میں بھارتی فوج نے صبح کے وقت اچانک سول آبادی پر فائرنگ اور گولہ باری شروع کر دی ۔بھارت نے سول آبادی کو نشانہ بناتے ہوئے بلا اشتعال فائرنگ اور گولہ باری کی جس سے مختور بیگم ساکن کینٹھی عمر 60 سال زخمی ہو گئی اور گھر کو بھی جزوی طور پر نقصان پہنچا۔ زخمی کو فوری طور پر تحصیل ہیڈ کوارٹر ہسپتال کھوئی رٹہ لایا گیا ۔فائر نگ اور گولہ باری سے گھروں کی کھڑکیاں اور دروازے لرز اٹھے۔ ادھر پاک فوج نے موثر جوابی کاروائی کرتے ہوئے دشمن کی پوسٹوں کو نشانہ بنایا جس کے بعد دشمن کی گنوں نے خاموشی اختیار کر لی ۔

متعلقہ خبریں