فوجی طریقہ سے مسئلہ کشمیر کا حل نہیں ہوسکتا، ایران کا باضابطہ ردعمل
تہران(آن لائن) ایران نے کشمیر میں بڑھتی ہوئی کشیدگی پر افسوس کا اظہار کرتے ہوئے کہا کہ مسئلہ کشمیر کا حل فوجی طریقے سے ممکن نہیں۔ غیر ملکی خبررساں ادارے کے مطابق اسلامی جمہوریہ ایران کی پارلیمنٹ کے سپیکر کے عالمی امور کے نمائندے حسین امیر عبداللحیعان نے اپنے ایک بیان میں کہا کہ ایران مسئلہ کشمیر کا حل پرامن طریقے سے علاقے کے عوام اور اقوام کی خواہشات اور مفادات کے تحت چاہتا ہے اور ہر قسم کے پرامن حل کے طریقے کا خیر مقدم کرتا ہے۔ انہوں نے کہا کہ علاقائی اور عالمی حالات اور اسلامی تعاؤن تنظیم کی سطح پر مسئلہ کشمیر کا حل ضروری ہے۔